لاتحسبيني يا حياتي اخونك
الله خلقني وافيٍ في محبّتك
لاوالذي كحّل محاجر عيونك
انّي اخاف البٌعد واخاف صدّتك
عنك ابعدنّي وابعدنّك ظنونك
شوفي ظنونك للمتاهات ودّتك
احب بك عقلك وعاشق جنونك
واضيق من صدّك واماري برجعتك
انا لك اقرب من نواعس جفونك
واقرب من اللولو على جال شفّتك
واصدق من النظره ومن شوف نونك
ولا فيه مثلي بالنقى غير نقوتك
وشلون ابقضي تالي العمر دونك
وشلون اعيش الليل من دون همستك
الليل ذكّرني سكونه سكونك
ويجيب لاهب الهوا لي مهبّتك
قلبي سكن بآرضك وفي نص كونك
وانتي ضلوعي عن هوا الناس ضمّتك
اكن لك حبٍ بقلبي يصونك
وان مر طيفك في سما العين خمّتك
وشلون قلبك طمنيني ولونك
فقدت ضحكاتك وصوتك ونبرتك
لو ينثني عمري ثنى العمر دونك
ابيع عمري بس منشان فرحتك
ابيك وعيوني وقلبي يبونك
اليا فقدتك من يعوّض بشوفتك
انا اخون ..؟ شلون قلبي يخونك
قلبي لك اصدق من دموعك وضحكتك