آغيب عنكم والرجا في المقابيل=اللي تلم الشمل عقب إنقطاعه
تعبت جفوني دمعها الحادر يسيل =وياقل عزمي عقب ذيك الشجاعه
أنا أشهد إنك يالجفا تقطع الحيل =وأنا اشهد إنك بخس واشنع بضاعه
وأنا أشهد إن المتن يتعب من الشيل =خارت قواي وما بقى بي مناعه
يأهل الجفا ترى الليالي محابيل =والموت ماحدد للاعمار ساعه
يللي على حوض القطاعه مناهيل=وش فايدتكم من فراق الجماعه
والعاقل اللي يعرف العدل والميل=يعرض عن الدنيا ويطوي شراعه
قبل الرحيل وقبل حصد المحاصيل =مولاك طيعه قبل موتك وراعه
الموت ماخلاّ القروم الحلاحيل =ما واحد منهم وجد له شفاعه
ويامبهر الدله ويامكثّر الهيل =قنّد بها راسٍ تزايد صداعه