يامسهل الصيغه وياصعب الاهداف
أما كـذيـا الشعر ولا بـلاشـي
_
ياللي تقولون الشعر وزن في قـاف
عز الله ان الشعر منكم طشاشـي
_
الشعر حبكت بيت موقف وميقـاف
مثل النقود بالبنك والصرف كاشـي
_
سهلن على الموهوب صعبن على الطاف
اللي يجبرهـا بـعضمـن هشـاشـي
_
والشاعر المبدع مايبغى لـه ينصاف
ينصفـ شعرهـ لو يطول النقاشـي
_
والشهره اللي مالها ساس تنعاف
مثل السكراب لمعتن في القراشـي
_
اما تشيل المجد من فوق الاكتاف
ولا تريح وإنسدح بالفراشًـي
_
ماكل من بظهر على النور بنشاف
بعض الظهور مغير كبست فلاشـي
_
ولكل من سمـي بعساف عساف
ياكم عسافن مسمى ولا شـيء
_
وترى الشجيع ماهو كفو كان ماخاف
بعض المواقف خوفها إنتـعاشـي
_
ونهاية الموضوع بطـرهـ ومخساف
تشب في جاشـي وإتبرد بجاشـي
_
ياسهـل صيغتها ويا صعب الاهداف
أمـا كذ يـا الشعر ولا بلاشـي
لـ شـاعر/#مرزوق_بن_مدلج