اقول أبعد عشان ارتاح و أشواقي تعنيني
ولاقيني على دربك أسوق اخطاي مجبوره
تعبت أشرح لك احوالي تعبت اقول وش فيني
تحاول تختصر صمتك تقول ( الصبر يانوره )
تحسب أن الصبر كلمه ترددها .. تواسيني
وانا صبري بإيماني .. ولكن صدق مقهورة
اذا حزني خنق صوتي وطاح الحرف من عيني
اذا ضعفي بدأ يظهر لعذالي .. بكل صوره
واذا طيبي عجز يغلب قساوة من يعاديني
كأن الكون ذا ضدي وقلبي قلب عصفورة
تقول الصبر .. ما شفته ..؟ تغلغل في شراييني
ولكن علتي بالفقد .. ياهو قاسي شعوره
احسب البعد عن كل ما يشد الروح يغريبني
به الراحه به السلوه .. مع النسيان مسروه
اثاري البعد ما أثر وقرب بينك وبيني
مسافة حيل تبعدنا وحدودي فيك محصورة