درب الفراق
بواسطة : نبض الحيارى
بتاريخ : 2017-05-04 08:02:43
مشيت درب ن على الفرقاء يوديني
وقبل انتهي به عثرت وحارت اقدامي
وشلون بمضي وشوق القلب يدعيني
ياكيف بقوى وانا منساق لعدامي
ماني مقفي بطوعي يا نظر عيني
لكن وش اللي بقى من حل قدامي
ما عادت الناس واحبابي تدانيني
من عقب ما زاد همي وصاحت الآمي
من أول اضحك ولو حزني يبكيني
اقول دمع الفرح و ابلل اكمامي
واليوم عايش ولا به ما يواسيني
ماغير حزني وانا .. يا جرحنا الدامي
ابوح قافي ومل القاف يرثيني
الين ما ذاب فكري وجفت اقلامي
الله من ضيقتن عيت تخليني
وانا الذي زاهد ن في مجمل ايامي
الديوان درب الفراق
al-d1.com