من خذله الحظ محتاج لرفيق
من كثر ما جاه من صدمات مل
عايش وقلبه من الفرقا رقيق
يصبح ويمسي يظن الموت حل
بين حلمه والأمل ضاع الطريق
مالقى رجعه وبالوجهات ضل
وحدته ترسم من الوحشه صديق
والحزن يفري ضلوعه لين غل
ياوجوده والفضا يزداد ضيق
يعتزي بالصبر لين الصبر قل
اقنعوه أن السعاده ما تليق
لين لاح الحزن ببروقه وهل
سرهم مشهد معانات الغريق
للعتب يلقون بالهفوات زل
مايطيق اللوم قلبه مايطيق
ارحمو عزيز قوم ن يوم ذل