موجع عيوني

بواسطة : عبدالله سرور الصالح
بتاريخ : 2017-04-18 17:15:43

للدمع فعيون المخاليق ميعاد
عند التلاقي بعد طول الغيابي
والحزن دمعه غير وبعاده ابعاد
اليا وفيت بعهد من لا وفابي
رايات هم وحزن وجروحٍ اجداد
جرحٍ جديد وجرح مبطي ما طابي
مدري من اسباب الجفاء والجفاء حاد
وإلا انا ما كنت حاسب حسابي
وإلا ظروف غياب الايام لا زاد
موجع عيوني بالسهر ما درابي
من طوّل غيابه ومن غاب ماعاد
وانا انتظاري طال معه اغترابي
مدري غيابه عمد وإلا انه عناد
وإلا نوابي بالجفاء ما نوابي
اما الرجاء ينقاد وإلا ما ينقاد
ويصد عنا من الهبوب السحابي
اصبر وسلّي خاطري مير ما فاد
وإذا نشدت النفس ملقى جوابي
والصمت كأنه ساد وغيابهم ساد
الله يستر منه لأفقد صوابي