بالسحابه مزاجي
بواسطة : عبدالعزيز الرشيد
بتاريخ : 2017-04-07 13:50:27
بـالأرض لـكن بـالسـحابه مـزاجي
وشلون لا تـسأل و خـلّـك بجوّي
مشعل سـراجي لا تطفّي سراجي
تـعـال شـاركـني سمـاي و هـدوّي
إفـرد حـجاجك لا تلوّي حجاجي
يكفي حجاجي من شـهور متلوّي
خلّ إحتياجك و إستمع لإحتياجي
القلب ثـامـن عـام مـنـهـا مـتكـوّي
ما فاد قافي والصبر و إحتجاجي
ماأدري وش أسوي ولا وش تسوّي
مـلّـيت ودي بـ الفرح و إبتهاجي
تعبت في توّه و أنا أتعبت توّي
أبي الخبر يآتي بلبس الـمفاجي
و أشبّ مـن فـرحي لـلأيام ضوّي
شهدت مـدخـالي و أدوّر خـراجي
يـالله بـ مخرج خير عقب التروّي
عبدالعزيز الرشيد
الديوان بالسحابه مزاجي
al-d1.com