#فرق_المخاليق
بواسطة : مرزوق بن مدلج
بتاريخ : 2017-03-31 07:38:02
دار الزمان وبان فرق المخاليـق
ولاعاد يجهلنا گذوب وصدوقـي
-
الناس والدنيـاء بلايـا مواثيـق
أحدن تبوقـه بـوق وأحدن يبوقي
-
الله ولا الهوجاس والهم والضيـق
والله ولا ضلم البشر والعقوقـي
-
يا أبوفهد ماعاد في البال ترويـق
ناظـر بوجهي يوم بشت عروقـي
-
قامت تزاحملي جزال الطواريـق
وجريتها بصوت بجزل طروقـي
-
افيق بعض احيان واحيان مافيـق
تجمعت حضي وحلمي وشوقـي
-
شـر البريه من هروج المطافيـق
وخيـر البريه من يرجع حقوقـي
-
أضحگ وآخفي عبرتي بالمعاليـق
وأغيض نار الدمع في وسط موقـي
-
دققت في الايام والناس تدقيـق
ولقيت كلـن يـم الاخر شفوقـي
-
ماهي على دله ولاهي على بريـق
لا والله الا صيحتن بالبروقـي
-
المجد لو يوخذ بضحكه وتلفيـق
ان كان مايعرف حصانن سبوقـي
-
بعض البشر مدري متى عاد بيفيـق
يذوق فعله وهـم من غير ذوقـي
-
محملن نفسه حمل فوق مايطيـق
وجسمه من النيران كله حروقـي
-
حذف القزازه ماكسر هضبة طويـق
والثوب مايرقع بكبـر الشقوقـي
-
لكن يبقى الصدق من غير تصديـق
ماكذبـه راع اللـسـان الصدوقـي
-
الذيب يبقى ذيب فوق الشواهيـق
ولا السلوقي طول عمـرهـ سلوقـي
-
لـ لشـاعـر #مرزوق_بن_مدلج
الديوان #فرق_المخاليق
al-d1.com