ان قلت احبك
بواسطة : عبدالله بن عويّد بن طواله
بتاريخ : 2017-03-12 05:29:27
ان قلت احبك .. ماوفيت بكلامي
غرامك اصلاً ، مايوصّف بالأشعار
مقامك اكبر من قصيد الغرامي
واكبر من اللي بالدواوين يندار
يازين وجهك باينٍ .. بالضلامي
محتار انا ياكيف ابوصفك محتار
والوجنه اللي تحت هاك اللثامي
نابت بها جوري وكادي .. ونوّار
والشفّه اللي كدّرت لي .. منامي
في وسطها ثلجه ، وفي جالها نار
وعيونك اللي كن رمشه .. سهامي
في بحرها غرقان ، لو كنت بحّار
كل ما يجر الصوت فرخ الحمامي
ولّع خفوقي شوق ، وان ولّعه طار
انا اشهد انك يارهيف ، العظامي
ساطي ومتغطرس وتذبح .. وجبار
ماترحم اللي عن هوى الغيد صامي
ماتذكر اللي ليلة السبت قد صار ؟
وشلون ابوصف لك جنون الهيامي
بتار سيف العشق ، والله بتار
ان قلت احبك ، ماوصلت لمرامي
اللي بقلبي ، ماتكفيه الأشعار
عبدلله بن عويّد بن طواله
الديوان ان قلت احبك
al-d1.com