|
ياليت لي جنحان في بعض الاحيان
واطير في جو السما كالنداوي
|
|
وافضّي هموم ٍ كثيرات الالوان
وارتاح من شوفه قليل الهقاوي
|
|
روحي احسه تلتهب وسط نيران
ما من مكان بصدرها للمكاوي
|
|
غصبتها في وصل نكران الاحسان
وحديتها على الوعر دون ماوي
|
|
لاني بغيت الاجر من رب الانسان
نخيتها وعلْيَهْ حديت الحداوي
|
|
كني اخو صلفه لا فتك الاضعان
يَـقلط اليا كثرت عليه البلاوي
|
|
وليا حضر ترجح موازين الاكوان
وفي مبسمه للموت قصد وناوي
|
|
يقصف عماراللي من الضد شجعان
ويجعل سعيد الحال يمسي شقاوي
|
|
(والادمي تر ملحته قلب ولسان)*
وانا على الـثـنـتـيـن بالله قاوي
|
|
قلبي نظيف وملبسه بيض الاكفان
ولاني على ربعي ابدي المساوي
|
|
|