عكاز صبحك
بواسطة : عبدالعزيز الرشيد
بتاريخ : 2017-01-09 07:25:15
يوم الزمن ظايمك صـوّت يا خيّ
ولا لـقـيـت إلا كـتـوفٍ تـشـيـلـك
شلتك و ورّدتك على صافي الـميّ
لـيـن إستعدت بـقـدرة الله حيلك
ورّدتـك الـجـمّه و عـاونـت بـ دليّ
عكّاز صبحك كنت و أمان ليلك
هقيت بي ما خبت يـا هاقيٍ بيّ
و اليوم تنفض يوم أجيلك شليلك
ماجيت عن شمس الزمن باحثٍ فيّ
ولا جيت أدوّر يالردي بي جميلك
ما غير حقّي جيت أطالبك في شيّ
حرام لولا الحق عندك ما أجي لك
عبدالعزيز الرشيد
الديوان عكاز صبحك
al-d1.com