يـا عـابـر ..!!
بواسطة : سالم علي الشمري
بتاريخ : 2016-12-08 23:35:13
يـا عابرٍ في خيالي جيت لك .. عابـر
شوف التعاجيب ترسم وجهي الفاهي
شفنّي على ما جرالي ثابت ، وصابر
أطـرد مَـرار الكدر فـي سكّر الشاهي
طبعي سكوتي وطبعَك فاهم ، وخابر
لكن ! أشوفك عن اللـي صابني لاهي
أجحَد عذابي وأقفّي عنْه وأكـابـر
مصيبتي في عذابي مـا شكى فاهي
جالك خفوقٍ على مـا تطلب إيثابر
ياللي يشوق الضماير طرفك الساهي
لـو الخواطر لها في كَسرَها جابر
أقــول يَجْبر خفوقي جاهك ،، وجاهي
أحْسبك تاقف بصفّي في زمن غابـر
يـ اللي بـ قلبي جَعلتك أَمِر ،، وناهي
مـا جيتك أشكّي ولكن! بقطع الدابر
وحـدّه بـ وّحـده مَدامك بـ الجفا راهي
مع السلامه يـا طيفٍ مرّني عابـر
وأنـا على المّـر أبشرَب كاسة الشاهي
سالم علي السعيّد
الديوان يـا عـابـر ..!!
al-d1.com