حب الوطن
بواسطة : عبدالعزيز الرشيد
بتاريخ : 2016-10-11 14:18:15
يالجاهل اللي ضميره بالتّهم سبّل
بخيانة أرض الوطن بالزور ترمينا
ودّك يجيك العطا مخصوص و مدبّل
ما تـدري إنـّه مـخـالـبـنـا تـعـشّـينا
سفيه عايـش بسجن أوهامك مكبـّل
و غربالك اللي تشيله ما يغطـّيـنـا
وإن كنت بالوسوسه مطبوع ومجبّل
لـلـدّار حـاكـم و يعرفنا بـأسامينا
يعرف من اللي وقـف يوم البلاء قبّل
مـاهوب جاهل بـما تصنع أيادينا
حنّا نحب الوطن من دون ما إنطبّل
ولا نـبـي مـنـك يا مطبّل تـزكـّينا
الشرع أساساً ماهوب يشهّد مهبّل
والحكم شرعي ما يآخذ كلمتك فينا
عبدالعزيز الرشيد
الديوان حب الوطن
al-d1.com