مدمن شعر
بواسطة : مرس بن طواله
بتاريخ : 2016-08-23 18:36:16
مدمن شعر . دخان . فنجال دله
والمجد من صغري . ترى ادمنته ادمان
ماارضى طمان الراس . والذل لـله
لو الثمن روحي . فلاني بندمــــــــان
يامدورين المدح . خوذوه كله
شيٍّ مهو لله . تواليه خســـــــــــران
قل للذي يبحث . عن المدح قل لـه
ترى الثقه بالنفس . ماهي بالاثمان
الطيب طبعٍ . بالخلايق من الله
والا التصنّع لو بدا . خافيٍ بان
وانا ولد من هو . نشأنا بظلّه
عودٍ حكيم . وكلمته ضرب نيشان
قضبت اكاالمنهج . بدقّه وجلّـه
واللي ترك . وصيّة العود غلطـان
يوم الشلل مالي . مع الناس شله
اجلس معه وارافقه . وين ماكان
نهلت من علمه . وفي مجلسٍ لــه
ماغيب عن عينه . ولو طرفة اعيان
حرص على . تعليمي الله يحلّــه
الله يجازي والدي . كل غفران
الطيب يرقى والردى . في محله
والعلم ياصل . ينقل فلان لفلان
قالوا وش الخافي . ولاينفطن له
قيل الذي ماصار . توّه بالازمان
تهيّض الخاطر . والاشعار جن له
واخترت في قلبي . من الشعر مازان
عاشر صليب الراي . وانس الجبلّه
كب الردي عاشر . نسايل كحيلان
مقيول لاتنشد . عن الشخص خلّه
انشد اعن اللي عاشره . وانت فهمان
كلٍّ على درب الخوي . سيرةٍ لـــه
قرين ومقارن . على الدرب خلّان
الله من همٍّ . بقلبي يتلّــــــــــــه
تلّة خطاة الهاف . راعيه زعــــلان
تلّه بثاني . قام يحفر محلّـــــه
ثم بدّل الثالث . كفخ تقل شيهان
يحس لاتلّه . ايبرّد بغلّــــــــه
قضب طريقٍ منطلق . راح عجلان
على علومٍ ماضيه . فايتٍ لّـــه
يوم الطواله بالعرب . شانهم شان
اقلوبهم بيضا . ولا فيه زلّـــــه
كلٍّ على الاخر . شــفوقٍ وولهان
يالله يامن طالبك . ماتذلّـــــــه
ربٍّ لطيف . وبالمخاليق رحمـــان
تجمع اقلوبٍ . دالهه مســـفهلّه
تجمع على عزّك . صناديد هدلان
عيال الطويلي . مبرية كل علّه
دخيلهم يمشي . على الكيف سلطان
وصلاة ربي عد . غيثٍ يهلّـــه
واعداد من هو طاف . من بين الاركان
على رسولٍ للبشر . مرسلٍ له
محمد شفيع الخلق . من بعد الاكفان
مرس بن كليب ابن طواله
الديوان مدمن شعر
al-d1.com