حبل حبك
بواسطة : الشاعره حرف العنا
بتاريخ : 2016-08-23 11:51:26
رغم احتياجي وانعزالي عن الناس
ماجيتهم طالب غلا او موده
لـانك ملكت ابداخلي كل الإحساس
قلبي فراشٍ لك وضلعي مخده
اجيك وعيوني على الحب حراس
امسك حبل حبك وصدك يهده
اشهق غلاك بداخلي وازفر الياس
واقول ظرفه عن وصالي يحده
ماعاد لي في جمعة الناس مجلاس
خوفي يقولون الدمع فوق خده
قرب رصيدك بالغلا يعلن افلاس
تاخذني الذكرى لعينك وارده
ماهي عداله تترك القلب محتاس
ارخى حباله ليت صوبك تشده
لو ينحني للشوق ياصاحبي راس
ماينحني راسي على ماتوده
اما تجيني تملك شعور واحساس
ولا انتهينا وكل بابٍ نسده
حرف العنا
الديوان حبل حبك
al-d1.com