البارح الليل عندي مكتمل بدره
حتى لو ان القمر بالليل ماباني
طرى علي المليح وعينه الخدره
اللي غلاه يتمشى وسط شرياني
ماينوصف من حلاه . وزايدٍ قدره
أصبح ينافس غلاه صغير أخواني
وحبيت خشم الهجوس ودق لي صدره
وأنا ما اخبر القصايد فيه تعصاني
في غير زوله هجوسي مالها قُدره
واليا ذكرته على الأبيات تحداني
من زود حبي ومن زينه ومن ندره
البيت الأول عليه ينادي الثاني
متفوقٍ في جماله والبشر حدره
الخد نور القمر والعود روياني
عبدالرحيم معاوض السُلمي