لحظه بوادعك قبل انك توادعني
ماني من اللي تروح ويمشي خلافك
لي عزة ياوليد الناس تمنعني
لو قلت مابيك تمزح خاطري عافك
قد قلتها لك قبل ماكنت تسمعني
واليوم فعلك هو اللي حطم اهدافك
يابن الاوادم نصيحه واخذها طعني
ماكل شخص يذل النفس لاشافك
صحيح زينك في بعض احيان شجعني
لكن زود الكرم زودت باسرافك
ماهوب انا اللي تنزلني وترفعني
لو درت في نيتك كسرت مجدافك
تبي الصراحه تصدد لا تطالعني
اخاف من دمعتك ولا انت ماخافك
ماغير واحد ولا مخلوق ولعني
الحب يجرف ولا تختار جرافك
لو قلت لاحد تحب وقال لك يعني
خله وبعد مادام الوقت ما طافك
اصارع النفس و الدنيا تصارعني
والفرق واضح بمغرافي ومغرافك
ياخي ترى القلب عيا يطاوعني
يابن الاوادم توكل خاطري عافك