شايب تخفت دمعته في عيونه
يوم الزمن خلف بوجهه تجاعيد
يبكي على فرقى عياله وعونه
اثنين راحوا دون عذر ومواعيد
غريمهم وحشٍ يسمى الكرونه
هذا العذاب اللي قتل فرحة العيد
بين البشر قلبه تزايد طعونه
والآاه في صدره تجر التناهيد
كله ألم ينزف وجع ماترونه
قناع قوه فالليالي السراميد
وِحده مع العبرات هدت متونه
والموت هز صدور ناسٍ جلاميد
الحزن لو غير مع الوقت لونه
في نظرته ياباقي العمر تمجيد
حرف العنا