انا الخنساء
بواسطة : الشاعره حرف العنا
بتاريخ : 2016-07-16 19:34:57
هلابك يامناديني،، وجيتك اطرق القيفان
وانا للشعر شيهانه وفي القمه بنيت صروح
اجيبه من مواريدٍ بعيده واروي الضميان
اذا ماجاز لك شعري انا مالي معك مصلوح
تعالي ياهواجيس الشعر والقاف لك ربان
مدام اني عليت الموج لو يطفو عليك اللوح
اذا ماغصت بأعماقك وجبت اللول والمرجان
مدام ان الصقر عينه تخايل والعنا مشروح
انا الخنساء واتباهى وفكر امن الشعر رويان
اجره في مواويلٍ وصوتك باللحن مبحوح
انا اللوحه وانا الصوره وانا البرواز والفنان
وانا اكثر براعه بالمعاني وارسمه بوضوح
أنا البحر وانا دُره ،،،وانا عنوان للأحزان
الا من ثارت احزاني يجيك القاف قبل انوح
حرف العنا
الديوان انا الخنساء
al-d1.com