ثوب التواضع
بواسطة : الشاعره حرف العنا
بتاريخ : 2016-07-16 19:29:26
(ثوب التواضع )
طبع الكِبر ضيّع غلاك وغدى بك
واليوم تجني ،،،مابكفك زرعتيه
يومٍ كبرتي،، فيك ضاقت، ثيابك
ثوب التواضع،، ليه يابنت بعتيه
مافاد بين الناس كثر اضطرابك
انتي بيدينك من غرورك خلعتيه
نسكت،، ولا كنا، سمعنا عتابك
نمد لك حبل الوصل لو قطعتيه
وش عاد، يعني لو قرينا كتابك
من قبل ،تحكينه فهمنا معانيه
ماعاد لي، رغبه اجي يم بابك
بابٍ قفلته ،،يتعبك،، لو فتحتيه
حرف العنا
الديوان ثوب التواضع
al-d1.com