لقيت هالدنيا متاهات واوهام
فيها كثير من النقط والفواصل!
احدٍ مشى عمره ورى طرد الاحلام
واحدٍ قبل لا ينوي المشي واصل!
واحدٍ مقامه دون.. تلقاه قدام
واحدٍ لو إنه فوق.. تحصيل حاصل!
واحدٍ يهودي ويتعامل بالإسلام
واحدٍ من الإسلام.. والعقل فاصل!
واحدٍ بدون ارحام ويزور الارحام
واحدٍ مال الارحام عنده تواصل!
واحدٍ على درب الوفاء ساق الاقدام
واحدٍ دريول لأمهات المفاصل!
تناقضات كبار واعضام واجسام
تخلي عيون البنادم تماصل!
هذي هي الدنيا متاهات واوهام
ساحة عريضة للنقط والفواصل