سِم الخفوق
بواسطة : الشاعره حرف العنا
بتاريخ : 2016-07-16 17:47:12
سم الخفوق وسم حال اللي تحب
واقدم بسكينك لضربه قاضيه
لايرجف احساسك غلا ثم تنسحب
وانا بجرحك ياحبيبي راضيه
مهما تعلينا ،،،،بقلبك ،،،،للسحب
مصيرنا نرجع على الأراضيه
ناسٍ معاهم شفت امنٍ مستتب
ولا العنا قالوا بقلبك حاضيه
الغلطه اللي مايجي معها عتب
تمسح قدر كل السنين الماضيه
لاقلت لك قلبي من الصده تعب
اخفي سوادي في حلا بياضيه
العب بقلبي في موازينك لعب
مالك ومال اهل الصدور الفاضيه
صدري وطن قلبك لو بجوفك لهب
اسقيه عطفٍ من كرم ،،فياضيه
واللي تعلى فوق هامات السحب
لابد ،،،ماينزل ،،،،على الأراضيه
حرف العنا
الديوان سِم الخفوق
al-d1.com