كل ما بقالي !! بسمة منك.. تذكار
وبلا شعور بعز حزني تبسمت
اشوفها في ذروة الوجد.. تكرار
والناس حولي.. تضرب الكف في صمت
ماهو وهم لو جاني الطيف زوّار
وين الوهم واصافحه ما توهمت
واجلس معه وانشد عن الحال وش صار
واشرح له اوجاعي وانا لك تألمت
يعوض غيابك على قلب صبار
ولا يكفيني من الشوق لا همت
مير انه يغرر بعقلي والافكار
وانا رغم علمي ابد ما تعلمت
ما يكفي غيابك كشف كل الاسرار
من عقب ماني راجح العقل غيمت
أبيك ترجع لي ترى القلب به نار
هذا العشم خلك على ما تعشمت
نافع بن طواله