آخر وداع ..
بواسطة : يوسف بن سعيد
بتاريخ : 2016-02-23 13:01:54
آخـر وداع عيـونه السـوداء ،، تقـول :
سـلِّـم على والـــدك وخلـنا نلتقـي !
وآخر شعـور بشـوفته شـيٍ مَهــول !
كني أشوف الشي ما هو منطقـي !
يَ أول مشاكل دنيتي وأصعب حلول
مغليـك قلبـه من فراقــك ،، مشتقـي
لا من تـقابلنـا يجـي عينـي ذهـول
واسمَع صدى قلبي لعيني : انطقي !
واليا تفارقنا يجي نفسي فضول
" مدري بيسـقيـني أو إنه يستقي " ؟!
حالي زِحام وفوضة شعور ونحول
كلي تعــب كلي أذى كلي ،، شقِــي
أشوف فيك أنهار وبحور وسهول
وتشوف فيني شخص مُرهق بس " نقـي "!
أدنـدن لعينــك غروبي بالشمـول
وتدنـدن لعينـي ،، سهـالة مشرقي !
يَ أول مشاكل دنيتي وأصعب حلول
منك ،، أشوف الشي ما هو منطقي ..!
#يوسف_بن_سعيد
الديوان آخر وداع ..
al-d1.com