ادفن ظلالك
لدفن ظلالك وارتقي للسما فوق
دك المحاني واخسر اللي تخسره
شق السحابه لو روى كل مطفوق
بس المهم تحيا ولا فيك كسره
لا يلوي ذراعك على الذل مخلوق
حاول تعيش بدنيتك دون حسره
جرح الكرامه طعنته تزعج الموق
ماله علاجٍ لو على حد قسره
لا تحبس همومك لو الضيق ساحوق
العمر يقضي بين يسره وعسره
والماضي اللي راح لو به من الشوق
ما كل حلمٍ واجب انك تفسره
وان جيت تدحم لا تجي غير فاروق
روض عنان الريح تنعم بيسره
ولا تعيب شيٍ كل طاروق له ذوق
واحذر تذم الغير لا نهد جسره
وان كان لك صقرٍ قطع كل معلوق
لا تتعب عيونك ليا طار نسره
سعودالدوله