الشامخه
بواسطة : فهد البادي
بتاريخ : 2016-02-03 13:27:31
الشامخه
الشعر يهواني وانا جدا اهواه
يحبني وانا اموت بصفاته
ياهل ألهوا والعشق وشلون فحواه
قولوا وانا بقول معنى غلاته
يمشي معي وأحب انا المشي وياه
مانتفارق ياغير حزة مباته
احبه وتسلم يمين الي رباه
رباه على الطيب من طيب ذاته
انا اشهد انه نادر وماله سواه
زود الوفا عنده يزيد بحلاته
مالوم قلبي يوم بالحب ينصاه
ربي كتب له بالمحبه شقاته
يصعب على الصقار دربه وممشاه
شيهانتن هي شفه وهي مناته
فيها شموخ وطايل العز ترقاه
سلوم العرب بطبوعه مكملاته
حظي عثر ماجاب لي ماتمناه
راحت وقلبي خطر يلقى وفاته
ماهو حسافه حب مثله وشرواه
ولو راح قلبي من ضحايا غلاته
فهد البادي
الديوان الشامخه
al-d1.com