ليمتى كل العرب تدفع ضريبة ؟!
بواسطة : يحيى بن عاطف البشري
بتاريخ : 2016-01-28 01:53:23
كل شبر ٍ في العرب جاله نصيبه
من نزيف الدم او نار ودمار
والمصيبه خلفها تولد مصيبه
انقلاب وقمع وارهاب وحصار
ليمتى كل العرب تدفع ضريبه
وكل جار ٍ صار ما يامن لجار
تشويه دين وجهل وافكارٍ عجيبه
والمحارب خاض حربه بالاجار
اه يا كثر التساؤل من يجيبه ؟
والجواب يكون واضح باختصار
واللي تحجج بالاحاديث الغريبه
ماأبيه و ( وحيث انه ) بـ ( اعتبار)
آنا البسيط وهرج ذولا ويش ابيبه
وانا المواطن فطرتي مثل النهار
ديننا واضح ولابه اي ريبه
لاضرر منّه ولا منه ضرار
والقريب اولى بما يفعل قريبه
هو كذا المعروف بايات ٍ كثار
والتساؤل عاد من يقدر يجيبه
والجواب يكون واضح باختصار
ليمتى كل العرب تدفع ضريبه
وكل جار ٍ صار ما يامن لجار ؟
::. يحيى بن عاطف البشري .::
الديوان ليمتى كل العرب تدفع ضريبة ؟!
al-d1.com