زجاج الدمع ..
بواسطة : يوسف بن سعيد
بتاريخ : 2015-12-21 03:10:44
من زجاج الدمع جاء جرح السحاب
ومن فضول مرايتي جبر الكسور
يا عناوين ( الوفى ) وين الكتاب ؟!
ويا صدور أهل الصبر وين القبور ؟
لو يعيش الحب في بيت الغياب
ما يموت الشوق فِ عيون الحضور
السؤال أحيان ما يبغى جواب
والحزين أحيان ما يبغى سرور !
جلد ذات الصدق تحتاج انسياب
جلدها بالصدق لو كان مْخَبور
كل ما زاد الشعر فيني ( اكتئاب )
كل ما زاد اكتئابي مْن ( الشعور ) !
تختلف الأسباب لا جابت سِباب
وتختلف الأعذار لو مَ أنت مْعذور
الأماني لو تعَرف أهل العتاب
ما ترد قلوب ،، ترثيها شهوور !
يا سماء أثر النجوم من الحِراب
ما تكفِّيها ،، معاليم الظهوور
ما تشوفك غير بُهتان وسراب
وما تشوفيها سوى قارب عبووور !
القناعة ( كنز ) من أصل الثياب
والثياب من القناعة ،، ما تبوور
انكسر لله وتحصِّل ثواااب
واترك الخلق ،، وتكافيك الشرور
الدموع أحيان تجرح بالسحاب
وفالمرايا داااايماً ،، جبر الكسووور !!
#يوسف_بن_سعيد
الديوان زجاج الدمع ..
al-d1.com