لعب وتسالي
بواسطة : سلطان عتيق بن طواله
بتاريخ : 2015-11-28 19:04:25
(( لعب & تسالي ))
ً
ً
حـبـيـبي آه وآه يا ضـيـم حــالـي
قامـت بوارق حـيـرتي فـيني تـْـلوح
خــوفي يكون الحـب لعـب وتـسالي
واللي بنيت سنين ينهـار ويروح
أرجـوك صارحـني وجاوب سؤالي
وإكشف لنا المستور يامنوة الروح
كانك تبي وصلي عطيتك وصالي
وكانك تبي تبعد تراك إنت مسموح
مرخـوص كان العـين ترضا بدالي
برحل ولو تنهار في قلبي صـْـروح
(من عافنا عفناه لو كان غالي)
ماني بميّت لا ولو كنت مجروح
مجبور أبنسى كل شيّ ٍ جرالي
وأقول حبّـك ما لنا فيه مصلوح
وإن شفت من دنياك جور الليالي
إرجع خذ الأفراح وإتركلي النوح
محفوظ قدرك فوق فوق إنت عالي
فــوق الثـريّا يا بعـد كـل مملوح
زعـيـم قـلبي دنيـتي راس مالـي
عـلـّمتني يا سيّدي قسوة البوح
وكانك تبي هالحب لعب وتسالي
( العب على كيفك ترى القلب مفتوح )
الديوان لعب وتسالي
al-d1.com