الليل توّه .. ماسرى

بواسطة : سلطان النجران
بتاريخ : 2015-11-28 14:03:27

الليل توّه .. ماسرى

وأحلامي أصغرها كبير

 

ياغايب ٍ عني ترى

لك داخل ضلوعي آسير

 

أسمر مع اللي مادرى

وأترك مجالسة العشير

 

العين مخنوقه كرى

والقلب ساكنْه الغرير

 

من الثريّا .. للثرى

مسرح سكون ٍ للهجير

 

أشياء ماعنها .. درى

تغني عن الشيء الكثير

 

جرح ٍ بكفّيني .. برى

يوم الأمل ماله .. نظير

 

في كل ظلمه لي أرى

نور ٍ يجاذبني .. المسير

 

أحلام كاسيها .. العرى

تلبس من آمالي حرير