كرّهتني عيشتي
بواسطة : عبدالعزيز الرشيد
بتاريخ : 2015-11-05 03:28:46
كرهتني عيشتي و تقول وش حالك ؟
حالي على حطّة إيـدك كان ما تدري
الدمع و الشعر و العزله من إهمالك
و إن جيت جمعة عرب بأطيافك أهذري
حالٍ لك الله ... بداها قطعة وصالك
هـمٍ بعـد غيبتك بـالصدر مستشري
غبت و معك قلب من حبّك و يسعى لك
ما عاد حتى الاسـم في سجّتك يطري
يا حيلة الله وش اللي خالف أقوالك
الحلو جاري معي و الـمرّ لي يجري
من عقب ما كنت أخاشر قـربك ظلالك
صديـت عني وصاح من الجفا صدري
و إلى ذكرت إني أول ... آخـر آمـالـك
سالت دموعي قبل لا يسيل لـك حبري
أبكي ولا أدري إذا كان الخطأ طالك
و أسترجع الذاكره و أرجع على مدري
ذي حالتي من رحلت لـ لحظة إقبالك
عيـنٍ على صوره و عيـنٍ على قبري
عبدالعزيز الرشيد
الديوان كرّهتني عيشتي
al-d1.com