انتقلت لـ رحمة الله مالي عن عفـوه غنـاه
والـبـقـى لله وحــده إنّـا لله راجـعــون
غسّلوني / كفّنوني /فـي نهايـات الحيـاه
وادفنوني والملا والكون يجتـاحه سكـون
في صدى صوتي وانادي;اكرموني بالصلاه
وحدها واحتاج إني في وداعي تحضـرون
احملونـي/شيعونـي /والعمـر اعلن فنـاه
مابقى لي غير دينـي لحظـةٍ لي تدفنـون
والجسد ضمّـه تراب الأرض في كل اتجـاه
كل ما بالكون عندي ماعدا نفسي/ يهـون
ارتجـي ربٍ تعـالـى اعتـلا عـالـي سمـاه
العوض عن كل لحظه خالجت عقلي جنـون
امتليت احساس عاطف في متاهاتي صـداه
ارتشف كاس الاماني والأماني كم تخـون!
كل شبر احساس وافي جرح واحزاني علاه
كل قطـرة دم دافي في شرايينـي حنـون
مالقـوا في العمر راحه.. ماجنوا الا عنـاه
كم تمنيـت السعـاده..كم تمنيـت الركـون
كل ضحكـه تعترينـي في صداها صوت اه
التعب يغمر حنيني يملي ضحكي والعيون
كل غفـوه في حياتي تنتظر صبـح الحيـاه
افتح عيـون الرجاوي وانتظرهم يحسنـون
الظما جرحـه بصوتـي وين بلقـى له دواه
والاسى متوسطٍ صدري عروقـه بالمتـون
علنـي اجزى ثـوابٍ شاسـعٍ واسـع مـداه
وعل سياتي تلاشـى قبل ماهـم يوزنـون
العـوض من رب راحـم مايعوضنـي عـداه
يرحم ويرحم ويرحم وهو خيـر الراحمـون
عظّـم الله أجـر روحي لاتغشتـها الوفـاه
والـبـقـى لله وحــده إنّـا لله راجـعــون
ـالغريبهـ