ريحة احبابي
بواسطة : مرام القحطاني
بتاريخ : 2015-10-29 06:21:35
ريحة احبابي الحلوة خذاها الغمام
بعد ماهي لزهر العمر مثل الندى
كثر ما تكسر الخاطر لا قالوا حراآم
كثر ماقول جعلي للحبايب فدى
العتب مو على وصلي و ردّ السلام
العتب ليه يبرد بالسلام المدى ؟
وين طعم السوالف قبل عشرين عام ؟
قبل ماننجرف بالعمر، قبل نهدا
يستمر الجفا لو ليّ معكم كلام
يدخل اذني وماله وسط قلبي صدى
ليه اعيش بكنف ماضِي بدا لي حطام
ليه اقحم حضوري دام ماله جِدى
عِشرة العمر في صدري لها إحترام
ولا إنتهى الدمع فلم الذاكرة إبتدى
" أجفل " من الحزن والذكريات السهام
وين " أبعدي " بقلبي داخلي لا إحتدى
سلوة الحزن أقصر من بداية غرام
وتشبه " آمين " كافر بعد ما أهتدى
والله أني مثل كذبة ؛ بخير وتمام
ومثل حظ الكلام اللي بعد " ماعدى"
مرام القحطاني
الديوان ريحة احبابي
al-d1.com