على الزعل ماني بمنحده
بواسطة : مرام القحطاني
بتاريخ : 2015-10-29 06:18:56
تستكثر الجيّه ليا من جيت !
متغير وزعلان من مدّه
يفدونك الماشين لامريت
اجلس وهم روحه بلا رده
اخطيت في حقك ، ورب البيت
ماعادني بـ اقوى على الصده
ياكثر من يترك فراغه "بيت"
واقول بيجيني من يسده
إلا أنت يوم آدق مارديت
للحين احس الاعصاب منشده
الساعه لا تكّت أنا أنتكّيت
واللحين روحي منك منهده
اخطيت وانت بجيّتك آخطيت
ارخيت عذري ليه ما تشدّه ؟!
لاتحب راسي عقب ما بكّيت
منهي لعينك تِرهي المدّه
الحب يرضي قلب من راضيت
على الزعل مانيب منحدّه
مرام القحطاني
الديوان على الزعل ماني بمنحده
al-d1.com