حياة الورد
بواسطة : مرام القحطاني
بتاريخ : 2015-10-29 06:16:56
ماهي على أي شي ضاع بحياتي
أصلًا أنا أنثى تحب الضياعات
من كثر ماني بنت دايم تحاتي
أهدي شوي ورود وكثير ساعات
ريح الحزن يازهرة العمر عاتي
والورد ماقد عاش غير البدايات
سامحتكم على حساب أمنياتي
أعطي ثلاث أعذار وأزيد مرات
من كثر ماسمعكم تقولون هاتي
أشعر بإني ، تعبية للفراغات
دلّيتوا الدنيا ، عبرتوا جهاتي
أصلًا أنا فوح الفحم بالقطارات
ممكن تخلوني أعيش بوفاتي ؟
أبـَ أحتضرها لوّها مابعد جات
مرام القحطاني
الديوان حياة الورد
al-d1.com