الظنون
بواسطة : مرام القحطاني
بتاريخ : 2015-10-29 06:13:02
لاتوقع لا إبتعدت إني بـ أخون
وكل روحة رحتها عنّك ، تجيك
جرحك الموجع وآثاره ، تمون
دامها محظوظه بطعنة يديك
ياكثر ماتسكن بوسط العيون
كنّك اللي بكل عين تقول " أبيك "
غرفتي يعلق بها ريح الدخون
وانت عالق وسط أوراقي هَذيك !
الحزن مع حظرة الذكرى ، يهون
لاغدى الراحل بشر منك وفيك
عشت عمري دون ما أعرف من أكون
مثل من ودّه يبيع ... ويشتريك
بس أنا يا للأسف ما اقدر أصون .
: حلم يوجعني منامه وأنتهيك
من تركت أهل الحكي صوبي يجون
وصرت كّني مثل ذي ومثل ذيك
ليه تتركهم بجرحي يسألون ؟
وإنت تعرف بالجفا ، فيني وشيك
مو أنا اللي خيّبت فيك الظنون
أنت ذنبك شفتني سهلة عليك
مرام القحطاني
الديوان الظنون
al-d1.com