عتابي المزعج
بواسطة : مرام القحطاني
بتاريخ : 2015-10-29 06:11:06
صاحبي والصبح شرّاي الأماني
لاتخون الشعر وتصير الكئيب
أدري إن عتابي المزعج أناني
ولدموعي فوق كتفينك صبيب
كم وكم عانيت مني وبتعاني
بنت واغزل بالفكر راس المشيب
ذي انا ما الله على دربك هداني
وذاك انت المبتعد لكن قريب
اعرفك لو مانطق بإسمك لساني
واجهلك مثل الرجا بيد النصيب
لاتقول شفيك مليانة تفاني
وماشعرت إني رغم هذا حبيب !
انت اكثر من على جرحي بكاني
وانت اعظم شخص لو إنك غريب
آسفه تقصيري الواجد رماني
بين حضن الكِبر والحزن الرتيب
يا أطهر من المسك ورياح المواني
لا ترش بداخلي عطر وتغيب ...
مرام القحطاني
الديوان عتابي المزعج
al-d1.com