اخوي الكبير
بواسطة : مرام القحطاني
بتاريخ : 2015-10-26 17:25:54
ماهو على شانه الغالي واخوي الكبير
لكن لأنه معَ زود الغلا يستحق
لو جيتكم باسمه الاول عرفتوا الاخير
معروف واخشى بعض الاشناب لاتنفهق
معاه ماني الغزال الخايف المستذير
ظهره يظلل لو غصونه تِحِتّ الورق
كلامه بكل مجلس لابدى يستثير
يخلي وجيه بعض الناقصه تنصفق
لا تلومني ليه ادوّر له على بنت امير
وابغى مخولها من اللي ينثرون الفشق
جادل ليا شافها صوبه تحث المسير
نسى الليال الطوال الماضية و الرَّهَق
يارب عجل بيوم من الفرح به أطير
وتبكي له امي وتدعي له بطِيب الوفَق
ابغى أزفّه مع اخواني والالي واصير
اخت العريس الكفو اللي بطيبه فَرَق
الديوان اخوي الكبير
al-d1.com