بقايا الروح
بواسطة : نايف بن حزوم
بتاريخ : 2012-07-18 01:08:17
بقايا الروح
تمنيتك والاماني اتولع في ضميري نار
ولاجل انقذ بقايا الروح الاماني كرهناها
الا ليتك معاملني مثل ضيف ٍعزيزٍ زار
مثل ما تكرمه شمر وهل اللّحيسه الا جاها
والاليتك قبل تهجر مسوي سنة الاخيار
مداري روح محبوبك قبل تنوي وتـفجاها
بغيتك تسند الموقف وتكمل لاخرالمشوار
هقيتك تدمح الزّلات والغلطات ترفاها
خصوصا وانت غلطاتك مطمّه مالها اعذار
وما كـني دريت ابها ويذبحني انا ارداها
بذرتك يالغلا الصافي بارضٍ نبـتها الازهار
ولكن ارضنا بارت ولا عادت على اوفاها
خسرنا بعضنا الاخر خسرنا ميزة الاسرار
حسافه ليلنا الزاخر واسراره فضحناها
عقب هجرك بقى ليل ظلامه فارسٍ مغوار
الا اقبل ضلوع الصدر ضاقت من حناياها
وهوقد كان يكرمني يخبرك وانت فيني بار
يخبرك يوم تحضني وتدفيني من شتاها
تشرد قلبي الطاهر عقب هجرك غدا مرار
يمر دار تذكربك وياقف في زواياها
لي الله كيف ابتصبر واساير حكمة الاقدار
وقاوم حبي الاول واحلاها واقساها
هزمني ذكرك القاسي ولكن بتركه باصرار
كما دلوٍ وسط جمٍ ابقطع عنها ارشاها
الديوان بقايا الروح
al-d1.com