تكفين ياأختي....
بواسطة : زعال عيادة الشمري
بتاريخ : 2012-07-17 23:02:02
افتر عقل المرأه المستوره
والبهرجه تبرجت مطيوره
كانت أصيله في زمانه أول
واليوم سي سي والدلع سنيوره
سنارة المحار والمستبحر
والنادره منوخذة"مذعوره
كانت حشيمه والفريد" نوعه
واليوم حظه عاثر ومثبوره
صارت تعير البسي عالموضه
موضة ضياع وافتني بالعوره
تقليد غرب وقصدهم إذلالك
وقطي عباتك والبسي تنوره
يامحصنه بالدين لايغرونك
صوني جسدك الطاهر البلوره
لايلمسك رجال ماهو محلل
مانتي وربي بالزمن مجبوره
النفس اعصيها بذكرك ربك
وعيشي حياتك صاينه مستوره
لاتفقدين بدنيتك شخصيتك
عند الحساب شموقفك والصوره
يوم القيامه نحشر ونتحاسب
مانتي بوقته يختي بمعذوره
في هالزمن الله يكون بعونك
مالوم زوغك شرعبتك الثوره
تحت احتكام الظلم عشتي فتره
موؤوده بدور الجهل وعصوره
واليوم عشتي فايقه بوصوفك
اعلى القيم جدتيبها منصوره
سمعتك لاراحت وش يرجعها
والبنت لاقفت سمعته وش دوره
العار يختي احذري تاتينه
لأهلك وانتي بالعقل مغموره
تحصني بالدين لايغرونك
البنت ذي حشمتها وذا دستوره
والله لويخدش حيائك مره
يطيح كل البيت والمعموره
انتي الجناب الطهر وانتي مبدأ
وبغيبتك غاب الفرح بحضوره
انتي كيان الأخت وانتي أم"
وانتي ستر عيب الرجل وحضوره
انتي تربين اجيال ياأستاذه
محصننه مؤدبه دكتوره
انتي الأساس لكلنا والموطن
انت شعاع الأرض وانتي نوره
اوصيك ياأختي والله ومن قلبي
والياسمعتي ناصحك مشكوره
زعال القزاع
الديوان تكفين ياأختي....
al-d1.com