ستار الشوق
بواسطة : عبدالرحمن جابر الرويلي
بتاريخ : 2015-08-04 19:02:04
اسدل ستار الليل في مسرح الشوق
واطرد فوانيس الخجل واحتضنّي
جفَّت عروقي ، بلل بـ شوفك ، عروق
قم واعتبرني فرصتك .. واغتنمني
ياذوق قرب واخلط الشوف بـ الذوق
وان كنت انا مجنون بتشوف فنّي
البادي اظلم هذي اعراف و حقوق
وانا ابـبدى وخـل سنك بـ سنّي
بادلني انفاسك ترا الصدر مخنوق
يا اؤكسجيني اقترب ، أكسجنّي
خَل الحكي مابين فاهق و مفهوق
احظن جموحي ، وافهق الهم عني
من حسن ذوقي يوم حبيتك بـ ذوق
حتى كذا اصبحت فيني ، و منـي
جيتك قناعة قلب ..ماجيت مطفوق
بـ كامل قوى قلبي لفيت ، بـ تـأنّي
القلب لو تنشده ينساق لك سوق
تامر وتنهى .. مايجيك بـ تمني
ميثاق حبك داخل الصدر موثوق
باقصى معاليـق الغـلا مسـتكني
ماشدني غيرك ، ولا ..لغيرك آتوق
سكنت باحساسي وحبك سكني
مخلوق لكن ما ، يشابهك : مخلوق
الحسن منك و فيك جاك ، بـ تبنّـي
ماجمّلك ياناعس الطرف مسحوق
من خلقتك ترف و جمالك .. فتني
عين الغزال ، ونظـرةٍ تبـرق بـروق
تحكم على كـل مـن رآها ، يونّـي
حور العيون وقد طاغي وممشوق
اوصافك اللي عن سواها ، غنني
الهمنـي بـ زينك على كل طـاروق
وخل الحنايا في وصوفـك تغنـي
الديوان ستار الشوق
al-d1.com