حس بي
بواسطة : فلاح البذالي
بتاريخ : 2015-07-31 01:18:02
العذول اللي على الملواح جاني
يحسب اني للعلف قمت ودعيته
ابتلاني لين جاني في مكاني
يوم الوّح للخفوق اللي خذيته
يحسب اني للردا بسرج حصاني
واسمع هروجه ولكني عصيته
ما اطيع الشور لو انه دعاني
لو يحط اثبات في يديني رميته
داري اني لو بطيعه !! ما مداني
ما يطيع القلب شوره !! لو بغيته
والله ان الحب مسكنه المحاني
بالضلوع العوج عن غيرك حميته
ياملاك الحسن يانجم اليماني
ياعذوبة نبع ماي ولا رويته
حس بي يانور عيني يا حناني
لا تخليني وانا زولك هويته
روف باللي ما يهمه شخص ثاني
غير شخصك يوم بالحب احتويته
الديوان حس بي
al-d1.com