خلي سكن حبه مابين اضلوعي
بين الضلوع العوج مكّن رحايله
حبن شريفن على وضح النقا
ماهو بحب اللي اطيوفه زايله
يالعاشقين عندي سؤال وجاوبوا
يااهل الهوى وأهل القلوب المايله
سؤال إذا حبيت شخصاً واقفى
وشلون ترقد والعيون اتخايله
انا لك الله مااهتنيت بنومي
افز من نومي ودموعي سايله
ان ابتعد عني وطال اغيابه
في وسط جوفي مثل حر القايله
وان ابتعد عني وطال اغيابه
عليه دمعات العيون السايله
وان ابتعد عني وطال اغيابه
يبقى خياله في عيوني شايله
يااهل الهوى يانعنبو درب الهوى
شمسه ظلام وزايده قوايله
لا وهني من في حلاله يملكه
ويضيف اسمه وسط كرت العايله