خُطل الجزال
بواسطة : محمد بن عمار
بتاريخ : 2015-06-21 00:10:11
خُطل الجزال
خطمت خُطل*الجزال اللي بفكري تطوف
وحبل الرسن في يدي ما ورد للمشفري
وذلّلّت لأغصان بدع ٍ دانيات ، القطوف
وجنيت ماطاب لي ، من قافي المثمري
قاف ٍ جيوشه فلول امجندلات الحروف
من حدّ ، سيف المعاني ، اللي لها يبتري
حرّك لواعج غرام ٍ بي ، وعيني تشوف
وهبّت رياح الغلا ،، في جرهد ٍ مقفري
أفتل ضفاير قصيد ٍ ، سال فوق الردوف
ومناشي البدع ، وابل ، حرفها ممطري
الغيلَم * اللي تهصّر لي ، بثني الكتوف
وشهد الشفايا ، رحيق ٍ، نازفه يقطري
ملهوفة الكشح غرو ٍ بالمشاعرعطوف
لو شافها صايم ٍ من غبطته ،، يفطري
عطبولة ٍ* تشفي العلّة وتبري الحسوف
للي على مهرها ،، فيما تبي ،، يقدّري
واللي طريح الهوى ماساعدنه ظروف
شكواه .! للي ،، لزلات البشر ، يغفري
مادامها ،، في هواها ، ناوية بالنكوف
وهو بعد ،، قسمته ، والحظ ، متعثري
عل المقابيل تجلى الشمس بعد الكسوف
وتجلى كدر، خاطر ٍ بالضيق متكدري
محمد بن عمار ــ جريح القصيد
*خُطل / جمع أخطل وهي الخيل الأصيلة
*الغيلَم / المرأة الحسناء وحَسِنة الخلُق
*عطبولة / المرأة الجميلة طويلة العنق
الديوان خُطل الجزال
al-d1.com