يامرحبا بالشعـر ،، واللي تزهّل له
نبض ٍ له السد باح ، وهيّض أشجاني
هز المشاعـر ،، بسيفه يومه إستّـله
وتهاوت بوسط جوفي ، كل الأركاني
وغرب الشعر فوق محال الفكر تله
تل ّ الدراريج ،، دلوه و إنكفى ثاني
يالورق ، وصّل سلامي دقّه وجلّه
للصاحب اللي له الهاجوس ودّان
أطوي سجلّ الفكر ،، وأعوّد أفلّه
والراس من زود جوره صارخوياني
قـل له ترى صاحبك قلبه على ملّه
وإنه على شوفتك ، شفق ٍ ، وولهاني
كان الوصل عنه رجل الوقت منشـّله
والطرف من غيبته مازال سهراني
فالوجد ، ماهوب يجمع ، خل ٍ بخلـّه
والبعد ، ما يرخصه ، لوكان ماكاني
مدام في الجوف قرص الكبد محتّله
وما غيره أحد ٍ بوسط القلب سكّاني
يرتع بروض الحشا ، الله يمهّل له
والشوق يرتع معه برضاي طرباني
والشعر في سلمنا ، باقي على حـّله
على النقاء ، كلنا أصحاب وأخواني
محمد بن عمار ــ جريح القصيد