لجّة بحور القصايد
بواسطة : محمد بن عمار
بتاريخ : 2015-06-19 15:02:14
لجّة بحور القصايد
مع لجّة بحورالقصايد في الغلاس
دكيّت ، جزلات الشعر، بحصونها
ودخلت لرياض القريحة بإحتراس
وقطفت عنقود ٍ ، زها ، بغصونها
وجمعت عذب القاف من در ٍ وماس
وغنيّت ، للدانة ، بديع ، لحونها
بليل ٍ طويل وطاول عيوني النعاس
قصيدته ، ليلى ، وأنا ، مجنونها
من دلـّة ٍ تجلى الكدر، مع العماس
شربت ، فنجال الغزل ،، بعيونها
وجنيت لي مايسّرالله ، من غراس
وأرويت عيني من نظر مضنونها
ومهما سقتني من مرارالهجر كأس
البعد ، مايثني العزم ، من دونها
على النقاء من غير بوق ٍ وإختلاس
مادام باحت . عن خفا ، مكنونها
أنحر سمان القاف صعبات المراس
وأعلق الجزلات ، من ، كرعونها
الشعر بحره ،، عندنا ،، ماله مقاس
والنفس بأعماقه تزول ، حزونها
والقاف لي من ما حصل فيه إلتباس
نظم القصايد ، عندنا ، ياهونها
محمد بن عمار ــ جريح القصيد
الديوان لجّة بحور القصايد
al-d1.com