الا ياجمل محطة في ..عناويني !
لقيت .. بارضها معنى لاوطاني
الا يا أجمل اللحظات.. بسنيني !
الا ياروحي .. وياريح .. ريحاني
الا ي جمل زهوري في بساتيني
عليهم تصعب ولي قطفها داني
الا ياريحة امي .. يابعد .. عيني ..!
الا ياسر الهامي .. و اشجاني
احبك ياعناي بكل .. مافيني ..!
بما اوتيت من شعري ووجداني
احبك كثر ما هالشعر يشقيني ..!
احبك كثر ما .. لاماك .. اغواني
كثر ما بالشعور العذب تقريني ..!
كثر ما أكتبك و اقراك وامحاني
احبك كثر ماكثروا .. محبيني ..!
كثر مازحت فكرة عشقي لثاني
احبك كثر ما إنتي .. تحبيني ..!
كثر مافي غيابك ،،حبك ابكاني
احبك حب يجري في شراييني ..!
وذا زاد الغلا ينضح من اعياني
احبك كثر ماحبك .. يخليني ...!
اضيع بعالمك .. واذكرك وانساني
احبك كثر.. ماناديت لك ويني ..!
وتجين بلهفتك .. وبقلبك .. القاني
احبك حب ..ماظنّه .. يكفيني ..!
كثر ماذابت احبك على ..لساني
احبك باطهر شعورٍ نما .. فيني ..!
لاني اعشقك ... بالهام .. رباني