يا صاحبي
بواسطة : عمر الخالدي
بتاريخ : 2015-06-03 13:08:05
يا صاحبي ياللي تشيل الثقايل
شوفك ثمينٍ يا بعد كل الأجناس
أذيع صيتك بالعروض الطوايل
و الناس تفخر فيك في كل مجلاس
معروف ساسك مجتنب للرزايل
و صيتك الخيِّر على هامة الناس
شرواك يندِّر يا عريب الأصايل
ورثت طيب القلب في كل مقياس
يا هيه ياللي تنعرف بالفعايل
و سيرتك تكفي يا عشيري ولا باس
و يا صاحبٍ معروف بين الحمايل
شرواك ياطاله على كل دساس
وإليا حضر زولك يجمع شمايل
و في غيبتك فاقد شعورٍ بلا احساس
و الطرقي إللي له وقوف و مثايل
بعيد عن كلمه رديٍّ و دساس
و إللي يتعنصر بالأسم و القبايل
لا بد من يومٍ تشوفه بلا ساس
عمر الخالدي
الديوان يا صاحبي
al-d1.com