مايعطّل سيرها كثر الـنبيح .. !
"شاف"حلمه لكن الواقع : طريح !
المسمى يختلف وان كنت : ( طير !
ماتطير " بأسم " يالطير الجريح
"علِّتك" يالحي في "موت الضمير "
مابرَت علّتك لو " يمسح ، مسيح !!
لو" تطوّل"هامتك : عمرك "قصير"
ضاع عمـرك لا تـباح ، ولا تبيـح !
لو تصوّر لك غرورك ، " ماتصير
دون طيبك لو .. تبي تفلح ، فِليح !
لو تنام الليل بفراش .. " الحرير"
منزلك لا شك يبقى في " ضريح
" منكر" المعنى يلاقي له "نكير
تكثر القالات : ويصح ، الصحيح
ضاع معنى الحق بفواه : الكثير
يالسان الوقت ماعادك " فصيح !
مايرد الخير : " عودٍ" فيـه خيـر
لو يلمِّع لحيته كثر : " المديح"
يا صـغيّر لو تحاربني : كبـير !
لا تحرى طيحتي " ثمٍ : تطيح"
"في غنى الرحمٰن واحساس الفقير"
عن غثا الدنيا .. تراني مستريح